Louisiana-ah Thupek Sawm tar tur

United States a Louisiana state chuan school classroom tin atanga university thlengin Ten Commandments poster tar vek turin thupek a chhuah
Republican thlawp dan hi Governor Jeff Landry chuan hming a ziah hnan a, thupek sawm chu ‘kan state leh sorkar foundational documents a ni’ tiin a sawi.
He dan hi civil rights group te chuan kohhran leh state a hrang tura a ni tia US Constitution first amendment Establishment Clause kalh a ni tiin an khing tura ngaih a ni thung.
He danah hian “Congress chuan sakhua zahna lam emaw zalen taka duh tih theihna dan an siam tur a ni lo” tiin a tarlang a ni.
State law thar chuan thupek sawm poster chu lian tha tak chhiar awlsam a ni tur a ni tia sawiin 11 inches by 14 inches (28cm by 35.5cm) a lian lei niin commandment chu a laiah tak a awm tur a ni a ti bawk.
Hei mai bakah hian paraghraph li laiin “context statement” dah telin chutah chuan ten commandment chu ‘American public education ah kum za bi thum lai a lailum luahtu a nih tawhna’ tarlan tel tur a ti bawk.
Poster te chu classroom tinah kum 2025 chhung ngeiin dah fel vek hman tur a ni a, state sum dawng te chuan an dah vek tur a ni tih a ni bawk.
Hetiang ang dan hi Republican rorelna state Texas, Oklahoma leh Utah ah te pawh kalpui tum nia sawi a ni bawk a.
Ten Commandments public building, school, courthouse leh police station a dah kaihhnawihah dan hmanga inhnialna nasa tak a thleng reng reng a.
Kum 1980 khan US Supreme Court chuan hetiang kaihhnawih dan Kentucky-in a siam chu a lo hnawlsak tawh bawk a ni.