Madrid club pahnih hmachhawn tur Mizo rawlthar Lalpekhlua

Madrid club pahnih hmachhawn tur Mizo rawlthar Lalpekhlua
Kumin June-July thla hian Thailand ramah AFC U-17 Asian Cup Final Rounds khelh a ni dawn a, chumi atana inbuatsaihna’n India U-17 Men’s Team chuan Spain leh Germany ramah training kalpui pahin friendly match an khel dawn a, India U17 team-ah hian Mizo rawlthar midfielder Lalpekhlua a tel.
India team head coach Bibiano Fernandes hi Mizo player-te lo duhsak tawh thintu niin, tuntum pawh hian player 25 awmna squad-ah Mizo rawlthar pakhat ko tel lehin, tunkar Thawhtanni khan Spain ram khawpui Madrid panin a naute a chhuahpui tawh a, Club Atlético de Madrid hmunhma lamah inkulhin, training an kalpui mek a ni.
Blue Colts hian Europe-a an cham chhung hian Spanish professional academy team tha ber ber academy team-te an infiampui dawn a, age group hrang hrangah friendly match ruk khelin, Spain atang hian Germany ram khawpui lian pakhat Frankfurt an kai ang a, tah hian May ni 16 khian Indian U-17 team hian friendly match hnih dang an khel leh ang.
Europe atang hian May ni 31-ah Asia khawmualpuiah kirlehin, tournament khelhna tur Thailand khawpui Bangkok lamah AFC U-17 Asian Cup atana inbuatsaihna hnuhnung an kalpui ang a, June ni 17 khian AFC U-17 Asian Cup-a an match hmasaberah Vietnam an hmachhawn tawh ang.
India hi AFC U-17 Asian Cup Group D lamah Vietnam, Uzbekistan leh Japan nen an awmho a ni.

-- Advertisement --

Spain leilunga India fixture

April 19, 2023 : India U-17 vs Atletico de Madrid U-16
April 25, 2023 : India U-17 vs Leganes U-18
April 27, 2023 : India U-17 vs Atletico de Madrid U-17
May 3, 2023 : India U-17 vs Real Madrid U-17
May 10, 2023 : India U-17 vs Getafe U-18

Spain leh Germany tour-a kal India U-17 Squad

Goalkeepers: Sahil, Julfikar Gazi, Pranav Sundarraman.

Defenders: Ricky Meetei Haobam, Surajkumar Singh Ngangbam, Manjot Singh Dhami, Mukul Panwar, Malemngamba Singh Thokchom, Pramveer, Dhanajit Ashangbam, Balkaran Singh.

Midfielders: Vanlalpeka Guite, Danny Meitei Laishram, Gurnaj Singh Grewal, Korou Singh Thingujam, Lalpekhlua, Rohen Singh Chaphamayum, Omang Dodum, Faizan Waheed, Akash Tirkey, Prachit Gaonkar.

Forwards: Thanglalsoun Gangte, Shashwat Panwar, Gogocha Chungkham, Lemmet Tangvah.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More