Mapuia Memorial Mizoram Cricket League 2023 khelh zawh takah Chanmarians Cricket Club-in hneh loh nei loin inelna an hmachhawn tluan a, kartawp final-ah Ramhlun Venglai Cricket Club chu wicket 5-a hnehin an champion.
Zirtawpnia Suaka Cricket Ground, Sihhmuia final-ah hian Chanmarians-in chak turin over 20 chhunga run 117 siam an mamawh a; Chanmarians tan out loa run 36 siam tling B. Lalnunfela’n team tana a pawimawhna tarlang lehin, Hruaizela leh Biakfelate’n run 24 ve ve an thawh bawk.
Over hnuhnung berah Chanmarians-in chak turin run ruk siam an la mamawh. Ball thumnaah Saidingliana Sailo chuan 6 runs vuain a team a chakpui.
RVL tan Ahmaa Ralte a chetha ve bawk a, out loin run 70 a siam a, mahse, thlawptu a nei tha tawk lo.
Chanmarians bowler Lalhriatrenga chuan wicket thum a la a, over li a vawm chhungin run pek miah lohna over khat a nei bawk.
Chanmarians hi kuminah MCL khel tura cheng nuai 5-a team slot leitu an ni a; tun tum hi MCL-a an champion vawithumna a ni.
-- Advertisement --
Mimal lawmman
Player of the tournament
Sahil Sharma (Gorkha CC)
Best Batsman
Sahil Sharma (Gorkha CC)
Best Bowler
TC Vanlalremruata (Chanmarians CC)
Most Promising Player
Stephen Lalawmpuia (RVL CC)