Medvedev kutah Rotterdam title

Russian world num-ber one hlui Daniil Medvedev chuan a career-a a title 16-na hlawhchhuak turin Pathianni Rotterdam Open final-ah Italy player Jannik Sinner chu 5-7 6-2 6-2-in a hneh a, nikum Vienna Open title a lak hnua ATP title a sualchhuah leh vawi-khatna chiah a ni.
2021 US Open title changtu Medvedev hi ATP ranking lamah 11-na ni mek chungin a champion a, nimina mipa tennis ranking thar tarchhuahah top 10 a luahkir leh.
Set khatna harsa zet a hloh hnuin kum 27 mi Medvedev chuan world number 14 lakah hneh-na a changlet thei a; inkhelh banah match harsa tak a nih thu leh an pahnih tan rilru lam thleng pawhin game harsa tlinga a hriat thu a tarlang tel.