Medvedev vaw tlatu Seyboth Wild

Medvedev vaw tlatu Seyboth Wild
French Open 2023 khelh mekah Thawhlehni khan inlehthalna lian a thleng a, champion tura rinkai zinga mi Danill Medvedev chu first round paltlang zo lovin a tla ringawt. Medvedev hnawkchhuaktu Thiago Seyboth Wild hi World No. 172 ni mek niin, French Open hi qualifier paltlang a, hmachhawn thei hram a ni.
French Open-ah champion a, World No. 1 thar ni thei dinhmuna ding Medvedev leh first round paltlang zo lo tura ngaih Thiago Seyboth Wild te hi set khatna atang rengin an inhnehtawk nghal hle. Set khatnaah game an inlak chhawk zak zak hnuin tie-break khelh a ngai a. Medvedev-a’n harsa takin set hmasa a la. Set hnihnaah pawh tie-break khelh a ngai zui leh tho a. Medvedev bawkin set a la nawn leh.
Set hnih a hloh zawn hnuin rin phak baka tha in Seyboth Wild a inlan a, set thumnaah game hnih chauh hloh chungin set a la. Awlsam takin set thumna la mah se Seyboth Wild hi chak tura rin ngam a la ni chuang lo. Mah se, rset linaah game thum chiah hlohin set a la zui leh ta mai a. A chetphung enin inlehthalna thlen thei mai tura ngaih a ni tang. Set hnih a lak zawn hnuin set linaah a khel tha chhunzwm zel. Set linaah hian break vawi khat a neih chhawr tangkaiin set a la leh ta mai a. Champion tura rinkai lakah 7-6 (7-5) 6-7 (6-8) 2-6 6-3 6-4 in hnehna a chang ta mai a. French Open 2023-ah inlehthalna lian thlentir hmasatu a ni.