Messi tel loa champion zo lo Inter Miami
Inter Miami chuan hliam avanga ngai la awh lo Argentine su-perstar an kawl mek Lionel Messi chu Nilaini US Open Cup final-ah chhawr an tum ut ut a, mahse, harsatna lian zawk a thlen hlauhthawn thilah an luhtir leh ngam ta chiah lo a, an captain thar tel lo hian inkhel pawi-mawhah Houston Dy-namo an hmachawn a, 2-1-in an tlawm!
|um sarih ngawt Ballon d’Or chawi-mawina dawng tawh Messi hi karliamta khan Toronto FC game-ah hliam avangin minute 37-na lekah lakchhuah niin, tunkar Thawh-tannia mualneitu Or-lando City nen an in-hnehtawk tum khan a inlan thei ta lo a, mahse, manager Gerardo Mar-tino chuan a forward hi US Open Cup final-ah risk theih mai a inbeisei hman a, chu em erawh a kaltlangpui ngam ta bik lo a ni.
Kum 36-a upa ni tawh Messi hi kumin July thla khan MLS club hian an senglut a, Paris St-Germain lama a contract hmang zo tawh a nih avangin a thlawnin an lalut a, a team thar pawhin an chhawr nghal hle a, Argentina inter-national an rawih hnuah Inter Miami hian final penalty peta Nashville SC hnehin Leagues Cup-ah an champion tawh a, US Open Cup final-ah pawh khan tel thei ngat se result a danglam hial mai thei!
Messi tela match 12 an khelh tawhah Inter Miami hi vawikhat mah an la tlawm lo a, chuti zat gameah Argentine hian goal 11 thunin assist pawh vawinga ngawt a siamchhuak tling tawh.
Nilainia US Open Cup final-ah forward Messi hian mipui zing atangin a pawlte inkhel a hmunah a thlir a; Gri-ffin Dorsey goal leh Amine Bassi penalty chhuihluh hmangin Houston-in sihnih faiin hma an hruai phawt.
Fort Lauderdale, Flo-rida lama final inkhelah hian hun pekbelhah Josef Martinez chuan Miami zangnadawmna goal tilut ve bawk mah se result a tidanglam zo ta chuang lo a ni.
Houston goalkeeper Andrew Tarbell chuan ‘save’ pawimawh pathum entirin, chu chuan a team tan hna ropui a thawk a, kum nga chhunga a tum hnihna atan Dynamo kutah US Open Cup a lut.
Hliam avangin kha final match kha Inter Miami player pawi-mawh dang Spain defender Jordi Alba pawhin a khel thei lo.
Miami manager Ge-rardo Martino chuan Argentina World Cup winner Messi ngaiawh leh thuai thuai hlan an nghahhlelh thu leh chu chu tun dinhmuna an club ngaihpawimawhber a nih thu a sawi a, league zawh hma ngeia a kirleh hman tur thu a tarlang tel.
MLS reglar season hi thla thar October ni 21-a tawp tur niin, chumi hnu October ni 25 atanga December ni 9 chhungin play-offs khelh a ni ang.