Milarte social media brand post man a to

Milarte social media brand post man a to
Social media a tute thil emaw fakna an post sak hian milar ten sum tam tak an hlawh thin a, an Instagram vawi khat post-ah pawh a vaibelchhe tel an hlawh zel tawh mai a ni. An social media post atanga an hlawh hi follower an neih tam dan atanga chhut a ni thin.
India milar, Asian zinga Instagram-a follower ngah ber Virat Kohli hian follower maktaduai 250 chuang a nei a, ani hian a Instagram-a brand post pakhatah cheng vaibelchhe 3.5 atanga vaibelchhe 5 a inchhiar niin Times of India-in a tarlang a, Virat Kohli dawttu chu Priyanka Chopra niin follower maktaduai 87.7 a nei a, ani hian brand post pakhatah cheng vaibelchhe 2 a inchhiar a, a pathumna chu Shraddha Kapoor niin, follower maktaduai 80.8 a nei a, brand post pakhatah cheng vaibelchhe 1.5 a inchhiar ve thung.
Indian milar zinga follower ngah lama palina Alia Bhatt chuan follower maktaduai 77.4 a nei a, a pangana Deepika Padukone chuan follower maktaduai 74.1 a nei a, an pahnih hian brand post pakhatah cheng vaibelchhe 1.5 atanga vaibelchhe 2 an inchhiar a, follower maktaduai 72.8 nei, Katrina Kaif chuan brand post pakhatah cheng vaibelchhe 1 a la ve bawk.