Minister pahnihin lo zawh hmanpui

Bualphung Zau, Tuivawl kamah Thawhlehni khan ‘Maite lo zawh runpui’ hman a ni a. Agriculture minister PC Vanlalruata leh Horticulture minister Prof. Lalnilawma ten an hmanpui.
Tawi bialtu MLA, minister Prof. Lalnilawma hi ‘lawm lian’ a ni a. Maite khua chu sawhthing hmun tha tak a ni tih sawiin, sawrkarin sawhthing chingtute tan theihtawp a chhuah mek zel a. Sawhthing chu Rs.50 aia tlawm lo turin sawrkarin a man a bituk tawh a, hei hian kuthnathawktute a khai chhuah theih a beisei tih a sawi a ni.
Agriculture minister hi ‘lawm zahawm’ a ni a. Kuthnathawktute an din chhuah theihna’n sawrkarin nasa takin ngaihtuahna a seng tih a sawi. Thlai chi li – aieng, sawhthing, hmunphiah leh hmarcha-ah bul tan tawhin, thlai dangah pawh hma lak zel tum a ni tih a sawi a ni. Kuthnathawktuten phur taka hna an thawh theih nan thlai man bituk sa neih chu a tul tih a sawi bawk.