Minute 3 in zunthlum tihniam thei

Nitina darkar chanve tina minute thum tal kea kal chuan blood sugar level a siam tha thei tih UK diabetes charity conference neihnaah sawi a ni.
Zirchianna neihah type 1 diabetes 32 te chu darkar sarih chhungin kea darkar chanve tina minute thum zel an kalin an blood sugar level a tihniam tih finfiah a ni a.
Diabetes UK chuan hei hi ‘activity snacks’ tia sawiin sum sen ngai lo mahni pawhin tih mai theih tha bawk si a ni tiin an tarlang a. UK-ah hian Type 1 diabetes nei 40,000 chuang an awm a ni.
Diabetes hi pancrease a insulin-producing cell te taksa immune system in a beih avanga thleng a ni a.
A awmzia ber chu pancrease chuan insulin pechhuak thei tawh lovin chu vang chuan blood sugar level a sang ta thin a, insulin damdawi ei a ngaih phah ta thin a ni.
Hun rei tak chhung blood sugar level sang neih chuan kidney failure te, mit lama harsatna te leh heart attack te a thlen thei a.
Dr Elizabeth Robertson, director of research at Diabetes UK chuan type 1 diabetes te tan chuan blood sugar level him tawka ni tina dah reng thu thil hautak tak a ni a ti a.
“Tuna thil hmuhchhuah hmang hian thil awlsam tak siin danglamna a siam thei a, kal paha phone han mai mai te, timer set thlapa hun rei tak thut leh chet loh laka inven te chu kalpui theih niin chungte chu blood sugar level thunun theih nana pawimawh a ni dawn a ni” tiin a sawi a, “He zirchianna hian long-term benefits eng nge a neih tih te chu kan thlurbing zui tur a ni” tiin a sawi.
He zirchianna kalpuitu ber Lead reseracher Dr Mathew Campbell, University of Sunderland chuan activity tlem tak ni chung sia result tha tak neih theih chuan mak a tihtir thu a sawi a.
Type 1 diabetes neite tan chuan ‘activity snacking’ chu physical activity regular zawk neih theih nana rahbi pawimawh a ni thei dawn a, thenkhat tan chuan gloob glucose level thununna tha tak a ni thei dawn a ni a ti bawk.
“He strategy hian blood glucose level hniam tak awm theihna physical activity leh exercise nasa in a thlen te pawh a tipung ve dawn hauh lo,” tiin a sawi bawk.
He zirchianna hi a zavaia tihchhuah a ni lo chungin zirchianna neihnaah hian puitling 32 te type 1 diabetes nei te chu darkar-sarih thuttir an ni a.
Session khatnaah chuan thuttir reng an ni a. A dangah erawh darkar sarih chhung hian minute 30 kar danah minute thum zel kea kaltir leh chettir an ni a.
An blood sugar level chu uluk takin darkar 48 chhung chu session neih tirh atangin enfiah reng niin hetih chhung darkar sarih hian eitur an eite pawh inang vekin an siam a ni.
Taksa ti che te chuan blood sugar level (6.9 mmol/L) vel an neih laiin thu reng te chuan (8.2 mmol/L) neiin a sang zawk a ni.
Dr Campbell chuan liantham zawka zirchianna an neih tur thu a sawi bawk a. “Ni tin hun hmanga ho lam taka kan ngaihte kan tih hian a nawlpui tana hlawkna zawk thlen thei a ni,” tiin a sawi.