Serchhipa Mahindra Maxx Pikup Mizoram Open Boxing nghah chu nizan khan khelh zawh niin, Ningani zan thleng result hriat hman chinah championship thlengtu Serchhip an che tha a, weight pasarih zinga paliah gold medal an la.
Serchhip Boxing Hall-a khawtual mipui tihlimin Lalchhanhim-a’n ight-welterweight final-ah 29-28, 29-28, 29-28-in C. Lalhruai-tluanga a hneh.
-- Advertisement --
Serchhip boxer Chhanhima hian round hmasa pahnihah a din-hmun a siam a, round thumna leh hnuhnung berah Cherhlun tlangval Hruaia’n nawr hneh zawk mah se a kir leh zo tawh lo.
Hmeichhe weight pahnihah Boxing Hall awmna hmun New Serchhip boxer-in gold medal an awrh bawk.
Fly final-ah New Serchhip ve ve intawng-in Lalngaihawmi’n 30-27 29-28 30-27-in Lal-nunfeli a hneh a; ban-tam final-ah Vanlalrin-ngheti’n round thum la vekin Sumsuih nula Lalthlanawmi a hneh.
Ningani tlai khan hmeichhia pinweight-ah Serchhip boxer Phoibi Malsawmtluangi’n gold medal a la tawh a, final-ah Khatla tleirawl Zoremmawii lakah round tin a la vek.
Flyweight-ah Cen-tral Jail Veng, Aizawl boxer C. Lalruat-feli a champion ve thung a, final-ah technical knock-out-in Khatla boxer Tripti Thapa a hneh.
Mipa welterweight-ah Lunglei SAI boxer Lalnunpuia a champion a, final-ah Bualpui NG fighter Lalnunzawma lakah inhnek thununin 29-28, 30-27, 30-27 hnehna a chang.
Lightheavy-ah Khawbung tlangval Vanlalhuala a champion a, final-ah a bitum Seling boxer Zorem-siama aiin tharum a ngah bakah thiamna a nei sang zawk a, 30-27, 29-28, 30-27-in a chak.
Weight hrang 15 – hmeichhia panga leh mipa 10 a awm a, nizan dar 8 atangin hmabak la awm weight hrang pariatah final khelh a ni a, championship khar nghalin, LPS 1 leh LPS youtube channel-ah live-a pekchhuah a ni.