Mizoram State Muaythai Championship
Karliamta kartawp khan MiZBA Ramhlun Boxing Hall-ah Muaythai Association of Mizoram (MAM)-in an kum 20 tlin lawmna denchhena an buatsaih 20th Anniversary Mizoram State Muaythai Championship khar a ni.
He hunah hian kum 20 chhunga international medalist an neih leh IFMA referee & judge an neihte bakah hruaitu hlui chawimawina hun hmangin, Minister of State B. Lalchhanzova chuan khuallian niin a hmanpui.
Championship kharna inkhawm hi MAM president Brian Lalnunhlima’n kaihruaiin, an pawl general secretary Vanlalawmpuia’n report a pe a; a pumpuiiah MTC-Edenthar an champion a; Spes Gym chu pahnihna niin, pathumna chu Zonuam Muaythai Club an ni.
Mizorama muaythai intihsiakna lianah hian player 72 chhuakin, sub junior atanga senior level thlengin weight category hrang hrangah inelna buatsaih a ni.
Kharna huna khuallian Chhanzova chuan kalphung thar mipui sawrkarah sports chu sum siamna ni loin infiammite siamna’n sports minister kaltlanga an kalpui mek thu leh infiammite’n an thawh hah man an hmuh ngei an duh thu a sawi a, chutiang tur chuan incentive cash award dawng thei lo thinte’n an dawn theihna’n ruahmanna sawrkarin a siam thu leh chu’ng zingah chuan Muaythai Association of Mizoram player-te pawh an tel niin a sawi.
Muaythai Association of Mizoram hi kum 2004-a din niin, vawiin thlengin India tan international medal 18 an dawng tawh a; tunah hia n Muaythai khawvela thuneitu sang ber IFMA hnuaiah international referee & judge pathum an nei mek.
Championship kharna hunah hian hruaitu hlui mi 16 hnenah chawimawina an hlan nghal bawk a ni.
Mizoram State Muaythai Championship
Get real time updates directly on you device, subscribe now.
Next Post