Nikum hmasa kum tir lam a\angin Myanmar a\angin Mizoramah mi engemaw zat an raltlan a, nikum kum tawp lam a\angin Bangladesh atangin raltlan an awm leh. Tun hnaiah Manipur atangin Mizoramah a sang tel an lut leh bawk. An sahimna zawnga Mizorama lut hi mi sing li chuang an ni.
Mizoram sorkarin a chhinchhiah chinah Myanmar atanga raltlan mi 34,4000 Mizoramah an awm mek a, Bangladesh atanga raltlan mi 783, Manipur atangin mi 6663 an awm mek. An vaiin mi 41,846 an ni.
A hnuhnung ber Manipur atanga Mizorama tlanlutte hi May ni 3 hnu-a mite an ni a, Manipur-a Zofate khaw lian Churanchandpur atanga chhuak an awm meuh tawh loh laiin hmun dang atanga chhuak hi an la awm deuh reng nia hriat a ni.
Mizoram sorkarin a chhinchhiah danin, Manipur atanga Mizorama tlanlut hi district parukah an awm a, May ni 17 tlai lam dar 6 thlenga a lan danin, a tam ber mi mi 2272 chu Kolasib district-a lut niin, Saitual district-ah mi 2165, Aizawl district-ah mi 2049, Champhai district-ah mi 142, Serchhip district-ah mi 18, Khawzawl district-ah mi 17 an lut.
Bangladesh atanga Mizorama lutte hi tun hnaiah an pung leh hret hret a, BSF-in an lo dan thin avangin a rualin tam thamin kal thei lo mah se tlem te tea Mizorama lut hi tun hnaiah an awm deuh reng tih thu dawn a ni.
A tam ber Myanmar atanga raltlan hi 2021 kum tir lam atanga Mizorama lut an ni a, engemaw zat chu mahni khaw lamah an kir leh. Tuna Mizorama awm mek mi 34,400 te zinga mi 30,770 chu Mizoram sorkarin ID card a pe tawh.
Myanmar atanga raltlante pawh hi a tir lam angin a hlawm lian thamin Mizoramah an lut tawh lo a, mahse tlem te tea lut hi chu an awm ve deuh reng tih thu dawn a ni.
# Myanmar a\anga raltlan mi 34,400 an awm mek
# Bangladesh a\anga raltlan mi 783 an awm mek
# Manipur a\anga Mizorama tlanlut mi 6663 an awm mek
# Mizoram district tinah raltlan hi an awm
Mizoramah raltlan 40,000 chuang
Get real time updates directly on you device, subscribe now.