Mizoramin Scout & Guides intawhkhawm thleng dawn

Mizoram Bharat Scouts & Guides State Executive chu Ningani khan Aizawlah an thukhawm a. Kumin kumtawpa Mizoramin North East Mini Jamboree tum 8-na a thlen tur an thlirlawk.
8th North East Mini Jamboree hi National Headquarters chuan October-a Mizorama nghah a lo rel tawh a. Remchan zawkna avangin a neih hun tur hi November 22-28 atan nise tia rel a ni.
Mini Jamboree-ah hian India hmarchhak state hrang hrang atangin Scouts & Guides sang chuang tel tura beisei a ni a. State Executive Committee chuan Organising Committee a din nghal. August 7-a State Council thutkhawmah State Executive thurel thenkhat chu thlena pharh tum a ni.
Bharat Scouts & Guides State Executive thutkhawm hi state chief commissioner H Lalhmingthanga’n a kaihruai a. State secretary Lalngilneia Colney in hmalakna report a pein, state treasurer Lalthangmawia’n sum report a pe a ni.