Morgan Wallen ‘Last Night’ a la Hot ber

On Jun 22, 2023 13 0

Morgan Wallen hla hit ‘Last Night’ chu Billboard Hot 100 (singles) chart-ah a No.1 a, he chart-a kar 11 a No.1-na a ni ta. Hetihrual hian Luke Combs-a’n Tracy Chapman hla hlui ‘Fast Car’ a cover chu No.4 atangin No.3-ah a invawrh kai a, tihian chart top three-ah country hla pahnih a lang a, March 2000 hnuah he chart top three-a country hla pahnih a lan lehna hmasa ber a ni a, tun kum 42 chhunga a vawi hnihna a ni bawk.
Billboard Hot 100 (singles) chart hi kar khat chhunga US-a hla lar dan atanga tehin chart ranking siam thin a ni a, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Morgan Wallen ‘Last Night’ hian radio airplay-ah ngaithlatu maktaduai 69.5 a la nei thei a, stream maktaduai 29.6 leh download sales 7,000 a la tling bawk a, hei hi chart-ah a No.1 pui leh ta a ni. He hla hi March thla khan a vawi khat nan chart-ah a No.1 a, Morgan Wallen hla he chart-a No.1 ni thei hmasa ber a ni.
Chart No.1 hlui Miley Cyrus ‘Flowers’ chu No.2-ah bawk a awm leh a, radio airplay-ah ngaithlatu maktaduai 85.9 a la nei thei a, Radio Songs chart-ah chuan kar 18 No.1 tawhin, Radio Songs chart-ah No.1 ni rei ber dawttu niin, kar 26 No.1 thei The Weeknd ‘Blinding Lights’ chiah a pha lo.
Country singer Luke Combs’-a’n Tracy Chapman hla hlui ‘Fast Car’ a cover chuan radio airplay-ah ngaithlatu maktaduai 42.5 neiin, stream maktaduai 20.4 leh download sales 10,000 a tling bawk a, hei hi chart-ah a No.3 pui ta a ni.
Rema leh Selena Gomez ‘Calm Down’ chu No.3 atangin No.4-ah a tawlh a, Lil Durk ‘All My Life’ featuring J Cole chu No.5-ah bawk awm lehin, Toosii ‘Favorite Song’ chu No.7 atangin No.6-ah a insawn a, chart No.1 hlui SZA, Kill Bill’ chu No.6 atangin No.7-ah a tawlh ve thung.
Metro Boomin, The Weeknd leh 21 Savage “Creepin'” chu No.9 atangin No.8-ah a insawn a, Taylor Swift ‘Karma’ featuring Ice Spice chu No.10 atangin No.9-ah a insawn leh hret a Exlabon Armado leh Peso Pluma ‘Ella Baila Sola’ chu No.8 atangin No.10-ah a tawlh ve ta bawk.