HeartRadio Titanium Awards hi an radio station, iHeart station hrang hranga hla vawi tluklehdingawn play hlawh thei te hnena hlan thin a ni. iHeartMedia chuan kumina Titanium Award dawng thei hla te hi niminpiah khan an puang a, chung zingah chuan Doja Cat ‘Woman,’ Ed Sheeran ‘Shivers’. Jack Harlow ‘First Class,’ Latto ‘Big Energy,’ leh Wizkid leh Tems ‘Essence’ te an tel.
Ed Sheeran hnenah hian a award dawn hi hmanni lawkah New York-a iHeartRadio a tlawh tumin an lo hlan tawh a, a trophy awmna bawn hawn pahin Sheeran chuan, “Wowzas. A cool tawp….Album tihchhuah thar apiangin thalaite duhzawng a ni ang em tiin ka ngaihtuah ziah a, a chhan chu i concert chhimtu tam ber chu thalai an nih thin vang a ni. ‘Shivers’ avang hian heng thalai rual te hian min rawn pan a, ‘Shivers’ an duh thu leh tha an tih thute min rawn hrilh thin a. Chutiang chang chuan, ‘Aw le, ka la man bet thei hlawm e,’ ka ti rilru thin,” a ti.
Latto pawh a trophy dawn avangin a lawm ngang mai a, “A vaiin tluklehdingawn a tling a nia!” tiin awrawl chhuahin a au hlut a, “Ka fan-te chungah lawmthu ka sawi, he record a lo thlen theih nana chanvo neitu zawng zawng te chungah ka lawm takzet e- Mariah Carey! Ka duh tawp che,” a ti.
iHeartRadio Titanium Award dawng tur hian
iHeartRadio Titanium Awards dawng zingah Doja Cat, Ed Sheeran leh Jack Harlow an tel
Get real time updates directly on you device, subscribe now.
Prev Post
Next Post