Central sorkar chuan ram pum huapa road accident vanga vanduai te enkawlna tur cashless treatment scheme siam danglam chu a kalpui dawn a, he mi hmang hian mi pakhatin Rs 1.5 lakh zel a hmang thei ang tiin Union Transport Minister Nitin Gadkari chuan sawi.
Gadkari chuan he scheme hian a huamzau dawna eng ang kawng pawh ni se motor vehicles avanga vanduaina chu a huam tel vel dawn a ni a ti.
National Health Authority (NHA) chu he programme implementing agency a ni ang a, police, hospital leh State Health Agency etc te nen an thawkho dawn a ni.
He programme hi IT platform hmanga kalpui tu niin e-Detailed Accident Report (eDAR) application Ministry of Road Transport and Highway in a kalpui leh Transaction Management System of NHA te hman tangkai kawp a ni dawn bawk.
“He pilot programme hmang hian accident turu chuan accident atanga ni 7 chhungin cashless treatment Rs 1.5 lakh a hmang thei ang” tiin Gadkari chuan a sawi a. Sorkar chuan he scheme hi kumin March thla atangin a kalpui tan dawn a ti bawk.
March 14, 2024 khan Ministry of Road Transport and Highways (MoRTH) chuan road accident tuartute tana cashless treatment hi pilot programme in a kalpui a. A tirah chuan Chandigarh ah kalpui hmasak ber niin a hnuah State paruk ruam tir leh a ni.
Motor accident tawkte enkawlna tur
Get real time updates directly on you device, subscribe now.
Prev Post