MP-in central minister ho kawm

Mizoram Lok Sabha MP Richard Vanlalhmangaiha chuan New Delhi-ah central minister hrang hrang a kawm kual mek.
Zirtawpnia DoNER minister Jyotiraditya M Scindia a hmuhnaah Mizoram tih hmasawn kawngah theihtawp a chhuah tur thu a lo hrilh a, project tha tak tak thehlut turin a lo chah a ni.
Tourism minister Gajendra Singh Shekhawat a hmuhnaah tourism tih hmasawn kawngah theihtawp a chhuah tur thu MP hi a lo hrilh a. Project chhenfakawm tak tak siam tura a duhpui thu a sawi. MP hian tourism tih hmasaw kawngah Mizoram chu hmun tha a ni, tiin, a bikin MP model village atana a thlan tur chu tourism lama tih hmasawn a nih theih nan hma lakpuiah a ngen a ni.
Lok Sabha MP hian minister of state for Consumer Affairs, Food & Public Distribution BL Verma, minister of Ports, Shipping & Waterways Sarbananda Sonawal, minister of Textiles Giriraj Singh, minister of Agriculture & Farmers Welfare leh Rural Development Shivraj Singh Chauhan te pawh a hma in a lo hmu tawh a ni.