September ni 10 sem an tum 2024 MTV Video Music Awards chu US vice president Kamala Harris leh president hlui Donald Trump te Presidential debate neih hun tur nen a innan avangin MTV VMA hi September ni 11-ah an sawn ta a, award semnaa perform tur a thawh khatna puang nghalin Sabrina Carpenter, Camila Cabella, Chappell Roan, GloRilla leh Rauw Alejandro te hming an tlar nghal dal e.
Camila Cabella hi MTV VMA stage-ah tum thum a perform-na tur a ni dawn ta a, midang- Sabrina, Chappell Roan, GloRilla leh Rauw Alejandro te tan chuan he stage-a an vawi khat perform-na tur theuh a ni ve thung. Sabrina hi nikum MTV VMA pre-show-ah khan a lo inlan tawh a, nikuma pre-show a inlan a, kumina main show-a inlan leh nghal thei chu Sabrina hi kum khat chhungin a lar chak hle tihna a ni thei ang.
Heng perform tur an puan hmasak panga te hi nomination-ah pawh an lang vek a, Sabrina Carpenter hian nomination paruk neiin, GloRilla hian pathum a nei a, Roan leh Alejandro ten pahnih ve ve neiin, Camila Cabello-i’n nomination pakhat a nei bawk.
Kumin MTV VMA nomination-ah hian Taylor Swift a langsar ber a, nomination 10 a nei a, Post Malone-a’n nomination pakua neiin a dawt a, Ariana Grande, Eminem leh Sabrina Carpenter ten paruk theuh neiin, Megan Thee Stallion leh SZA ten panga ve ve an nei a, LISA, Olivia Rodrigo leh Teddy Swims ten pali theuh an nei bawk.
MTV VMA sem an sawn; perform tur zingah Sabrina, Calima, Chappell Roan an tel
Get real time updates directly on you device, subscribe now.