Pathianni zan khan Indian Super League (ISL) 2022-23 khelh chhunzawm a ni a. League champion ni chiang tawh Mumbai City FC chu table hnuai lama awm East Bengal hneh lovin an tlawm. League match an khelh hnuhnung berah East Bengal chuan hnehna an chang a, hnehna changin 2022-23 season an khar.
Mumbai Football Arena-ah E Bengal an mikhual hi League champion an nih chian tawh vangin Mumbai City tan pawimawhna a awm tawh hran lo va, E Bengal tan erawh hmasawn hret theihna hun tha a nih vangin pawimawhna tak a awm ve thung. Chak mamawh zawk Bengal team lian tan hian minute 52-naah Naorem Mahesh Singh chuan he inkhela goal awmchhun hi a thun a, League champion lakah hnehna lian an sualchhuak.
ISL League champion Mumbai City FC hian vawi 20 khelin point 46 an hmu a, point sarih zeta an san fal tawh vangin an hnuai chiaha awm Hyderabad FC tan umphak theih a ni tawh lo. An chunga awm Mumbai City umphak thei tawh lo mah se Hyderabad FC hi pahnihna an ni chiang tawh a, pathumnaa awm mek ATK Mohun Bagan pawh semi-final playoff khel turin an tling chiang tawh bawk.
Mumbai City FC an tlawm
Get real time updates directly on you device, subscribe now.
Prev Post
Next Post