Wood-a’n a kawnghren a hloh

Pathianni zing khan boxing-ah kawnghren inchuhna inhnek hmuhnawm tak a awm a. WBA featherweight champion lai Leigh Wood chu beisei loh takin Mauricio Lara lakah a tlawm a, a kawnghren kawl lai a hloh.
Champion lai Leight Wood hian Mauricio Lara lakah bul a \an \ha a, round thumna a\ang round rukna inkarah a khel \ha lehzual a, champion nawn leh ngei tura ngaih a ni hman. Lara lakah \ha takin bul \an mah se round sarihnaah a chesual ta tlat thung. Round rukna thlenga hnufual zawka \anga Lara hian round sarihnaa a kut vei lam hmangin Wood hi chiang fahranin a hnek a, a hnek tlu chiang hle. A khingpui kut thlak na tak tuar lova tlu Wood hian tlawm hreh hle mahse a trainer Ben Davison chuan tlawmna puan a thehlut a, inhnek tihtawp a ngai ta thung. Tichuan, Wood chuan hreh taka tlawm chungin a kawnghren kawl mek a hloh zui ta a ni.
Uiawm taka tlawm a, a kawnghren kawl lai hlohtu Wood chuan a khingpui Lara chu boxer ropui tiin a fak a. Tihsual lian tak a nei a, a tihsual vangin a khingpui chu chakna hun \ha a pek thu a sawi tel bawk. Nottingham khawpuia a hneh loh Lara nen hian inhnek nawn leh a duh a, kawnghren inchuhin an inhnek nawn leh tura ngaih a ni.