MZP-in zirtirtu siksawk mek tha a ti

MZP-in zirtirtu siksawk mek tha a ti
Mizo Zirlai Pawl chuan sawrkarin zirtirtu a siksawi mek chu tha an ti a. Zirlaibu chu a hun taka zirlaiten an dawn ngei an duh tih an sawi bawk.
Ningani khan MZP Gen. Hqrs hruaitute chuan School Education minister Dr Vanlalthlana hmu in, tuna zirlai mila zirtirtu siksawi mek an ni chu tha an ti hle a, zirlai tlem deuhna hmuna zirtirtu indaih vanga lakchhuah leh indaih lohna a dah belh chu tha tiin, zirtirtu sawn chhuah leh siksawi mekte pawh a hmun nuam leh tha Aizawl district-a awm reng beisei lo turin MZP chuan a ngen tih a sawi.
MZP Hqrs Kolasib,Hnahthial, Champhai leh Mamit ten an buaina hrang hrang an thlen pawh bawhzuiin minister hi an sawipui a. Education minister hian zirtirtu indaih lohna zirna in leh college, higher, high school, middle leh primary zirtirtu indaih lohna leh hnawhkhah ngai pawh file a kal mek thu leh zirlai mila indaihnaah chuan dah belh kher an tum loh thu MZP hruaitute hi a lo hrilh a ni.
Minister chuan tuna zirlaibu sem mek pawh theihtawp an chhuah tih sawiin, Mizoram sawrkarin cheng nuai 100 chuang an chawi tawh tih a sawi a. MZP hruaitute chuan, zirlaiten a hun taka lehkhabu an dawn theihnan chak taka hma la zel tura ngenin, kum danga exam zawh hnua lehkhabu dawn chauh ang kha kuminah chuan thleng tawh lo tura hma lak nise an duh tih an sawi a ni.