Ngopa tui lakna tur tlawh

Jal Jeevan Mission scheme hnuaia cheng nuai 1074.90 senna tur, Ngopa Solar Water Pump hnathawh mek chu Nilaini khan Lengteng bialtu MLA Dr L Thangmawia chuan a tlawh. PHE hotute chuan hnathawh ngai zaa 95 zawh a nih tawh thu leh tluang taka thawh theih chuan tun thla (July) a zawh hman an inbeisei tih an lo hrilh.
Nizung chakna hmanga Ngopa tui lakna tur hnathawh chak taka kalpui a ni chu lawmawm a tih thu MLA hian a sawi a. Ngopa hian 2024 March-ah KTP General Conference a thlen dawn avangin a bik taka hmanhmawh sak tura a ngenna ngaipawimawha PHE department-in chak taka hna a thawh avangin lawmthu a hrilh a. Hnathawktute chu rotling leh rintlaka thawk zel turin a chah bawk.