Mizo mipui ten
Bluesman tia kan hriat lar K. Hminga chu hun rei tak a reh hnuah november thla hian album thar nen a rawn kir dawn.
-- Advertisement --
The Aizawl Post zawhna chhangin K. Hminga chuan hla thar 10 awmna tur album a buaipui mek tih a sawi a. He a album-a hlate hi audio chauh a tih chhuah a tum thu leh Darbu kaltlanga zawrh chhuah a tum thu a sawi bawk.
K. Hminga chuan he a album buaipui nan hian cheng nuai 5 vel a sen a rin thu sawiin, recording hi Kings & Prophets recording studio ah ngawrh taka an beih mek thu a sawi a. Mizoram a musician tha ber ber te nen an buaipui mek tih sawiin, drummer hi Mike Ji a ni a, keyboard hi Albert Peka niin, Bassist hi Sangkima a ni dawn a ni.
Zaithiamte tan album siam chu mellung pawimawh tak a nih thu sawiin, a phur tawh hle tih a sawi a. He a album buaipui mek hi royal system a kalpui a nih thu leh mizo zinga a hmasa ber pawl a nih a rin thu a sawi a. A hla thar turte hi Darbu app a dah a tum avangin music video siam tum nghalna a neih loh thu a sawi bawk.