Nun ruang tawih thei loin ngaihven a hlawh

Sakhaw rawngbawltu Sister Wilhelmina Lancaster chu 2019 khan ruang vawn thatna lam chi engmah hmang lovin phum a ni a, mahse, thla kaltaa a ruang an phawr leh chuan engmah a lo la chhe lo tlat mai. |henkhat chuan thlarau lam thil chhinchhiahna niin an ngai a, he nun ruang tawih thei lo hian tlawhtu a ngah hle a, an phumna hmuna lei nawi la pawh an tam hle a ni.
Sister Wilhelmina Lancaster hi Gower, Missouri, USA-ah phum a ni a, he khaw lian lo tak hian tlawhtu a ngah phah nghal hle a, US hmun hrang hrang atangin an fuan khawm a, a ruang hi mipui tana khawih theihin an dah a, 2019-a an phum lai ang maiin a ruang hi a la tha vek a, an phumna hmuna lei pawh thirfiante khat zela lak chauh an phal tawh a ni.
Sister Wilhelmina hi a phumna hmunah thil dang siam an duh avangin hmun danga phum sawn leh turin thlan atanga lak chhuah a ni a, mahse, a ruang a lo la him pial mai tih an hrechhuak ta a ni. He chanchinthar hi a darh chak hle a, he khaw lian lo tak hian mikhual a ngah phah nghal hle a ni.
Diocese of Kansas City-St Joseph chuan thuchhuah siamin, “Sistem Wilhelmina Lancaster ruang hian ngaihven a hlawh hle a, zawhna tam tak apiang tih pawh kan hria. Chutihrualin Sistem Wilhelmina ruang hi kan vawnhim a pawimawh a, chhui chian te pawh kan phal tur a ni ang,” a ti.
Hetianga a ruang kum li hnuah pawh tawih loa a lo la tha pial mai hi Sister Wilhelmina hi mithianghlima a puan rawtna te pawh a awm a, mahse, heti zawng hi chuan hmalakna a la awm lo, mithianghlima puan ni tur chuan an thih atanga kum nga tal a liam phawt a ngai a ni.