Mipa- hrechiang rawh le

Inngaihzawng boruakah mipa mizia hriatthiam i chak thin em? Tlema zawng, relationship lama mithiam te kam chhuak chu kan rawn tarlang e.
– Mipa chu inngaihzawnnaah an serious zawh poh leh an thikthu a chhia a, an ta neih hlur ang che.
– Mipain hmeichhia a lo zui rei ve deuh viau tawh chu then mai a harsat hle a, kum 3 vel inzui tawh chinah phei chuan a hmeichhia zawkin an then a nih loh, boruak danglam tak a thleng te a nih loh chuan a mipa zawkin an then tawh mang mang lo.
– Tu hmeichhia mahin an la then hmasak loh mipa chu hmangaihna lamah a rilru a puitling thei tak tak lo!
– Rin loh deuh boruak tha lo a lo thlenin, hmeichhia aiin mipa ten mahni inmawhpuh an ching zawk.
– Mipa ten thil danglam leh boruak danglam deuh tawn nuam an ti.
– An thiante bulah inti-pa hle mahse ngaihzawng te bula an rilru puthmang dik tak chu zawhte khawi ngam ang mai an ni.
– Mipa chu a nervous deuh chuan a zia a zawi a, a cool deuh raih thin.
– Mipain thu a sawi chuan uluk takin ngaithla rawh.
– Mipain sawi tur a hre lo emaw, a tawng tam lova, a ngawichawi riau a nih chuan nangmah zawkin titi tur i vawrh thiam a ngai. A rilruah thil vei a nei tih hrethiam ang che.
– Mipa ten hmeichhe nu zemzawm, in-ti-nu ni si lo an duh tih hre rawh.
– Mipa chuan hmeichhiain a duh ve tih a chetzia atangin a hrethiam a nih pawhin, hmeichhiain tawngkaa a sawi hma loh chuan a chiang tak tak ngam lo! Chuvangin hmeichhia ten ‘first move’ awmze nei taka neih thiam a tha.
– Mipa ten hmeichhe eirawngbawl thiam tak an ngaina tlangpui.