Post Malone & Swae Lee ‘Sunflower’-in RIAA record a siam

Post Malone & Swae Lee ‘Sunflower’-in RIAA record a siam
‘Spider-Man: Into the SPider Verse’ hla Post Malone leh Swae Lee te sak ‘Sunflower’ chu Recording Industry Association of America (RIAA) double-diamond certification a kai ta a, RIAA history-ah hetiang kai thei hmasa ber a ni. Double-Diamond tih chuan US-ah he hla hi maktaduai 20 an hralh tling thei tihna a ni. Hla pakhat US-ah maktaduai 20 hralh tlin theih hmasak ber tihna a nih chu.
He hla ‘Sunflower’ hi 2018-a tlangzarh kha niin, animated superhero film ‘Spider-Man: Into the Spider Verse’-ah a hla hi hman a ni a, Billboard Hot 100 (singles) chart-ah pawh No.1 a kai thei a, Post Malone tan he chart-a a hla No.1 kai thei pathumna niin, Swae tan a pakhatna a ni ve thung.
November 2022 khan ‘Sunflower’ hian Lil Nas X leh Billy Ray Cyrus ‘Old Town Road’ lehpelin, RIAA history-a certification nei sang thei ber a lo ni tawh a, chutih lai hian 17x platinum a ni, maktaduai 17 an hralh tling tihna a ni. Tunah chuan 20x platinum niin, hei hi RIAA certification-ah double-diamond tih a ni.
Nikum khan Post Malone hi RIAA history-a zaithiam zinga hla diamond certified nei ngah berah an lo ouang tawh a, ‘Sunflower’ bakah hian a hla dang pasarih- “White Iverson,” “Congratulations” (featuring Quavo), “I Fall Apart,” “Rockstar” (featuring 21 Savage), “Psycho” (featuring Ty Dolla $ign) “Better Now” leh “Circles” te chu diamond certified an lo ni tawh bawk.