PUC-ah ‘Pianpui Tawng Ni’ hmang

Pachhunga University College chuan Thawhelhni khan hian an college campus-ah Pianpui Tawng Ni – International Mother Language Day an hmang.
Asst. professor Remlalthlamuanpuia chuan Pianpui Tawng Ni thupui a sawi a. Tawng chu hnam nihna (identity) kengtu a ni a, hnam nunphung (culture) nen a inzawm, tia sawiin, “Mizo tawng hi Mizo hnam nihna pawimawh tak a ni,” a ti.
Kumina he Ni thupui ‘Multilingual education – A necessity to transform education’ tih chu sawifiahin, khawvel hnamtin, tawng hrang neite hian anmahni tawnga zirna dawn chu an dikna chanvo a nih thu a sawi a ni.
PUC Department of Mizo head Dr H. Laldinmawia pawhin Mizo tawng chu Mizote ta ni mah se, mi zawng zawng tan a ni, tiin, “Mizo tawng hi a neituten kan humhalh a, a hman dik kan zir zel a tul a; chutih rualin mi tam zawkin an hman zel theihna’n kan tanrual a tul a ni,” a ti.
Pianpui Tawng Ni hmanaah hian BA leh MA Mizo zirlaite leh zirtirtute an tel a ni.