Puihna phurh lut rua US-in a puhna Hamas-in dik lo ti

Puihna phurh lut rua US-in a puhna Hamas-in dik lo ti
Hamas chuan US Central Command (CENTCOM)-in Gaza Strip-a truck-a tanpuina phurh luhte an lo ru thin nia a puhna an pha.
CENTCOM hian drone-a video lak an tihchhuahah puihna phur truck phur rawk lai a lang a. Thuchhuah an siamah drone hian Hamas miten Zirtawpnia hmar lam, Khan Younis-a truck lut an rawk lai a la fuh niin an sawi.
Pathianni khan Hamas chuan US-in a puhna chu ‘finfiahna awm lo’ leh ‘khawvelin luhna an danchah mek hawntir tuma an beihna a hlawhchham leh Gaza-a mipuite tama an awm mek laia puihna pek luh tihtlem zelna tura thil kalpui dan pakhat’ a nih thu an sawi.
“Hetiang thil leh inrawkna ang chi kha Israeli sipaite an chhuah rual khan a tawp nghal vek a, hei hian sipaite kha mi sual rual leh buaina siama a bultumtu an ni tih chiang takin a lantir bawk a ni,” an ti.
Hamas hian tanpuina lutte chu a mamawh tak hnen a thlen theih nana an vennaah Palestinian police leh venhim hna thawktu dang 1,000 rual thiin za telin hliam an tuar tawh zawk niin an sawi bawk.
Khawvel huap pawl emaw, tual chhung pawl emaw, lirthei khalhtu emaw hnen atang pawhin Hamas-in an ru tih leh an tihbuai sawi tur pawh a la awm lo niin an sawi bawk.
“Hei hian US Central Command-in thil a sawi hi phuahchawp leh ramri dan leh puihna thawn luh tur tihtlem tumna a ni tih chiang takin a lantir,” an ti a, US chu inkahhai kalpui meka Israeli-ten mi an beihnaa Palestinian 254 an thihna leh 595 an hliamnaah engmah sawi nei si lovah an puh bawk.
CENTCOM chuan MQ-9 aerial drone hi Hamas leh Israel inkara inkahhai kalpui a nih dan thlithlai tura an tirh chhuah a ni tih an sawi.
“Kar liam ta chhungin kan thawhpui pawlten ni tin truck 600 chuangin bungrua leh puihna an phur lut ziah a. Hei hian puihna kawnga thawhna chu a lantir chiang hle,” an ti.
Hamas erawh chuan ni tina Gaza-a truck lut hian chawhrualin 135 a la pel ngai lo tih an sawi a, ‘truck luhtir tama sumdawng truck luhtir tlem tura an ngen lawm lawm chungin sumdawng truck-te hian Gaza-a chengten an neih phak loh thil zawrh tur an luhpui mai zawk niin an sawi.
“US-in Israeli-te sawi chauh a pawm hian Washington hi lai lo taka awmtirin kawng dan hi a thlawpna leh Palestinian mipui tawrhna a pawiti lo tih a lantir zawk a ni,” an ti.
Inkahhai hi US President Donald Trump-a rawtna angin October 10 atanga kalpui niin point 20 nei niin thawh khatnaah hian Palestinian lung in tang 2,000 dawn chhuah an ni tawh a. Ruahmannaah hian Gaza tun din leh Hamas tel lova sorkar thar siamna tur pawh a tel.
October, 2023 atang khan Israel hian Gaza beiin mi 68,500 chuang an thi a, mi 170,600 chuang hliam an awm bawk.