Covid hrilengin kum hnih chhung tibuai mah se, MNF sawrkarin ram tana ro tling leh hna ropui tak tak an thawk tih minister Dr R Lalthangliana chuan a sawi.
Inrinni khan District Hospital Serchhip tlawhin, ward hrang hrang mamawh leh dinhmun a enfiah. Covid-in kum hnih chuang a tibuai chung pawhin Pu Zoramthanga kaihhruai sawrkarin hna tam tak a thawk tih sawiin, “Sawrkar term tawp dawn thlengin ram tana rotling thil lian tak tak a lo thleng a, hna ropui tak tak kan thawk a ni,” a ti.
Serchhip District Hospital thar cheng nuai 2000 senga sakna tur hmunhma leh sak dan turte Health minister hian a enfiah a, he building sakna senso tur hi Power Grid Corporation of India atanga hmuh a ni. District Hospital thar sa tur hian thil tam tak chinfel hmasak ngai a awm, tiin, tuna building hlui hi thiat ta se, damlo enkawl mekte tha taka lo enkawl lailawkna tur ngaihtuah hmasak a tul tihu a sawi.
South Tuipui bialtu MLA Dr R Lalthangliana hian Inrinni vek khan Hnahthial DC office thar tur Rallang tlanga PWD hnuai atanga cheng nuai 1000 senga sak mek DC room leh room dang sak mete chu sa tha a tih thu a sawi a, kumin August-a luah hman a, hawn theih turin thawktute a chah.
Hnahthial District Hospital thar cheng nuai 1700 senga khum 50 awm theihna tur sak mek pawh tlawhin a hmunhma a enfiah a. Hnahthial Circuit House sak tur enfiahin a tlawh bawk.
Ram tana rotling tak tak kan thawk – Dr R Lalthangliana
Get real time updates directly on you device, subscribe now.
Prev Post