Rel a darkar 24 chhunga zin thui record siam

Rel a darkar 24 chhunga zin thui record siam
Chinese traveler, Wang Dong chuan rel hmangin darkar 24 chhungin km 5,887.76 a thui a zin kual hman a, Guinness World Record, darkar 24 chhunga rel (train) hmanga kal thui ber record a siam.
Wang Dong hian Shenzen, South China-a Guangdong Province atanga bul tanin, China khawpui Beijing a thleng a, chuta tang chuan Shanghai kal lehin, Guiyang a kal leh a, a tawp nan Yibin, Southweast China-a Sichuan Province a thleng leh ta a ni. A zin tawpna Yibin a thlen hian second 40 chiahin darkar 24 a tling hman lo chiah chiah a ni.
Rel hmanga darkar 24 chhunga kal thui ber record hmasa ber chu 1992-a UK-a an siam niin, km 2,842.5 a thui a ni a, chumi hnuah record sang vawi riat an siam leh a, 2008, 2009, 2012, 2013 (vawi hnih), 2017m 2019 leh 2021 te niin, 2019 atanga record te hi China railway system-a an siam vek a la ni bawk.