Purunvar hian thatna hrang hrang a nei a, nitin purunvar fang thum tal ei ziah a that thu te pawh kan rawn tarlang tawh. Purunvar chu khuanu duansa damdawi tha tak niin an sawi a, cholesterol a tihniam thei a, cancer risk a tihniam thei a, BP sang leh diabetes, arthritis, Alzheimer natna te pawh a risk a tihniam thei a, hritlang satliah tan damdawi a ni bawk. Heng zawng zawng bakah purunvar chu intihcher nan pawh a tha hle niin Times of India health section chuan a tarlang.
-- Advertisement --
Purunvar-ah hian compound chikhat, taksa hrisel nana tha leh pawimawh zet mai allicin a awm. Allicin chu sulfur compound a ni a, purunvar chu kan chhut sawp emaw kan chan sawm emawin a lo insiam mai thin. Allicin chu purunvar rim leh a taste siamtu ber pawh a ni. Mahse, purunvar chu chansawm loh emaw chhut sawp loh emawa chhum emaw kan emaw a nih chuan allicin siamtu enzyme chu a chhia a, allicin a insiam tam thei lo. Purunvar a puma chhum te chu a taste leh a rimah pawh a chak lo bik thin.
Purunvar hian mi a tipuar hma a, kan ei hian kan thluakah kan puar tih signal thawnin, thil kan eitlem phah thei a, appetite suppressant angin a thawk thei, chuvangin purunvar kan ei chuan thil ei chak lohna mi a siam thei a ni. Purunvar chuan metabolism a tichak bawk. kan nervous system ti harhin adrenalin hormone a tichhuak a, chu chuan kan metabolism a tichak ta thin. Metabolism a chak chuan calorie kan paih chak a, chu chu intihcher tumte tan a pawimawh hle.
Purunvar kan sawi laklawh bawka a thatna dang pawh sawi zel ang. Purunvar hian cholesterol chhe chi (LDL) level a tihniam thei a, blood platelets inchar tur a veng a, chu chuan clots risk a tihniam thei. Anti-cancer, anti-inflammatory effect a nei bawk. BP a tihhniam theih bakah purunvar ei nasa te chuan cancer, a bik takin pumpui, colon leh mipa serh cancer risk an neih hniam bik