Saudi Arabia panin Firmino inpuchhuak ve leh

Saudi Arabia panin Firmino inpuchhuak ve leh
Cristiano Ronaldo leh football star uaithla lamte kalkhawmna ni chho mek Saudi Arabia chuan khual duhawm dang neih belh lehin, he ram club lian Al-Ahli chuan Liverpool-a hun hmang zo Brazil forward Roberto Firmino chu kum thum chhung atan an senglut.
Saudi Pro League club Al-Ahli lama inpu-chhuak ta kum 31 mi Fir-mino hian season liamta tawp rual khan a Liverpool contract hmang zoin Arab team hian free agent niin an senglut a, a ni ve tawh.
Kum 2015 khan Firmi-no hian German club Hoffenheim chhuansanin Anfield club a zawm a, Reds tan game 362-ah goal 111 a thunsak tling.
Saudi club-te’n tun ni-pui thawt chhunga hming hraw an sengluh tawhte zingah karliamta mai khan Sene-gal goalkee-per Edouard Mendy a tel a, Chelsea player hlui hian Al-Ahli bawk a zawm.
N’Golo Kante leh Kali-dou Koulibaly-te pawhin Chelsea chhuahsanin Saudi Arabia hi an lo thlengthla tawh a; anni bakah hian Karim Benze-ma, Ruben Neves leh Marcelo Brozovic-te pawh Arab ram pan zingah telin, ex-Liverpool midfielder Steven Gerrard pawh Al-Ettifaq chuan an manager ni turin inremna an ziah-pui tawh bawk.
June thla mai khan Newcastle United baka Saudi Arabia rama an club hraw zual pali neitu Public Investment Fund (PIF) chuan Saudi Pro League chu khawvela league lian zual panga zinga pakhat nih tumin thutlukna an siam a, player langsar an senglut zui ta mawlh mawlh a ni.
Tun nipui thawt lai hian Firmino bakah Naby Keita, Alex Oxlade-Cham-berlain leh James Milner-te paw’n Anfield hi an lo chhuahsan ve tawh bawk.
Mohamed Salah leh Sadio Mane-te nen tlar-hma lama inkawpin Liver-pool kha 2019 Cham-pions League title an lakpui bakah kum 2020 Premier League leh 2022 FA Cup leh League Cup trophy an lakpui bawk.
December 2019 Fifa Club World Cup final extra time-a Firmino goal thun hmangin Liverpool chuan Flamengo an lo hneh tawh bawk a ni.