Sawrkarin Remna Ni hmang dawn

Mizoram sawrkar chuan Remna Ni 2023 hman a rel a. Hemi puala General Administration Department-in hriattirna a tih chhuahah June 30 hian Aizawl leh district headquarter tinah official function siama hman tur a ni.
Aizawlah chuan chawhnu dar 12.30 ah Vanapa Hall-ah hman a ni anga, hemi rual hian Aizawl district tiam loin district dang zawng chu bawrhsap-te ruahmanna anga hmang tura hriattir an ni.
GAD chuan Aizawla Remna Ni lawmnaah hian sawrkar hnathawk zinga officer senior – junior administrative grade leh a chunglam, Secretariat-a deputy secretary leh an tlukpuite bakah directorate-a joint director leh an tlukpuite, senior grade of MPS leh a chunglam chu kal ngei ngei turin a hriattir. Administrative head leh head of department-te chu an hnuaia thawk officer-te kal ngei tura hriattir tura ngen an ni.