Supreme Court chuan menstrual pain leave (hmeichhe thi neih) chungchangah ngaihdan hrang hrang a awm theih thu sawiin biological thil mah ni se, hnathawka chhawrtu te tan hmeichhia te chhawr chakawmlohna a thlen thei tho tiin a sawi a.
Three-judge Bench Chief Justice of India D.Y. Chandrachud kaihhruai chuan petitioner chu Union Ministry of Women and Child Development Ministry chu policy siam turin a ti zui bawk a.
Court hian Shailendra Mani Tripathi petition ngaihtuahin advocate Vishal Tiwari chuan dinsakin sorkar chu zirlai leh hnathawhnaa hmeichhia te tan thi an neih laia chawlh an lak theihna tura dan siam turin a ngen a ni.
Mahse, court chuan hetih rual chiah hian law student chuan hetiang lama hmalakna a awm loh theih nan petition a theh lut ve tho chuan a ngaihna hre lova a siam thu a sawi thung a.
“Law student chuan hnathawka chhawrtute loh theih loha an hnathawka chhawr hmeichhia te menstrual pain leave pe lo thei lova a siam a nih chuan an hnathawhna hmunah hmeichhiate chhawr hrehna leh duhlohna a thlen thei a ti a. Ngaihdan hrang hrang awm thei a ni,” tiin Chief Justice Chandrachud chuan a sawi a.
Vishal Tiwari chuan hmeichhe thi neih chu biological process a ni a, thi an neih avangin hmeichhia te chu educational institution emaw hnathawhnaah emaw enhran emaw diriam an tawk tur a ni lo a ti bawk a.
“Kei nin engmah hnial kalh kan nei lo. Mahse, zirlaite chuan a tak takah chuan hnathawka chhawrtu ten an chhawr duh loh an hlauh a ni. He thilah hian kawng hrang hranga thlir dan a awm a, policy siamtu te kutah kan dah ang. Policy siam phawt se la, chumi hnuah kan ngaihtuah ang,” tiin Chief Justice Chandrachud chuan a sawi.
“He thilah hian a kaihhnawih ngaihtuah tur a tam theih avangin petitioner te hian Ministry of Women and Child Development aiawh te hmu se la, anni’n petitioner te lungawilohna te ngaihtuahin thtulukna an siam ang,” tiin court chuan a sawi bawk.
Tiwari chuan Bihar leh Kerala te chu India ram State zinga hmeichhiate hnena thi neih chawlh pe awm chhun an ni a ti a. Court chu Section 14 of the Maternity Benefits Act, 1961 hmanga hma la tura ngenin, Section 14 hian he dan hnuaiah hian inspector te ruatin anni’n dan hnuaiah thutlukna an siam thei tur a ni.
Petition chuan United Kindom, China, Wales, Japan, Taiwan, Indonesia, South Korea, Spain leh Zambia te chuan thi neih chawlh hi an kalpui a ni a ti bawk a.
“Vanduaithlak takin working women te rights humhimsak tuma hmalak a nih rualin Maternity Benefit Act, 1961 Section 14 provsion chuan he dan kalpui danah enfel turin inspector te ruat tur a la ti leh a ni,” tiin petition chuan a tarlang bawk.
SC-in hmeichhia thi nei tena hnathawhna a chawlh lak dan ngaihtuah
Get real time updates directly on you device, subscribe now.