Secondary School Games-ah Aizawl District (N) pakhatna

Secondary School Games-ah
Aizawl District (N) pakhatna
School Education department buatsaiha neih Mizoram Secondary School Games vawi 42-naah Aizawl District (North) chu pakhatna an ni.
Zirtawpni khan Govt. Mizo High School Aizawl tualzawlah khar a ni a, School Education joint director R Lalnunthari’n a hmanpui.
Ni li awh Mizoram Secondary School Games vawi 42-naah hian sports discipline 6 – Athletics, Football, Volleyball, Taekwondo, Inkawibah, Inhruipawh leh Kalchhet-ah zirlaite inelin discipline hrang hrang hi khelmual hrang hrangah nghah a ni. Aizawl District chu North leh South-ah inthenin district dang 10 nen an vaiin district 12 an inel a, khawpui chhung atangin zirtirtu leh zirlai 181 leh khawpui pawn atangin zirlai leh zirtirtu 796, an vain 977 an tel a ni.
A pumpuia gold medal 4, silver medal 3, bronze 1, a vaia medal 8 la in Aizawl District (North) chu pakhatna an ni a; gold medal 3, silver 5, bronze 2, a vaia medal 10 latu Synod Higher Secondary School pahnihna an ni. Pathumna chu Govt. GM Higher Secondary School Champhai an ni a, gold medal 3, silver 2 leh bronze 4 an la a ni.