Selena Gomez ‘Lose You to Love Me’-in Spotify-ah 1B stream a kai

Selena Gomez ‘Lose You to Love Me’-in Spotify-ah 1B stream a kai
Selena Gomez hla 2019-a a tichhuah Lose You to Love Me chuan Spotify-ah vawi tluklehdingawn stream a kai ve ta, he mellung a thlen lawmman pawh Instagram lamah a nei nghal e.
Spotify pawhin Instagram-ah Selena an lawmpui thu post-in, “@selenagomez Lose You to Love Me in vawi tluklehdingawn stream a kai hi kan lawmpui a che #BillionsClub,” an ti a, Selena pawhin he hi a story-ah a re-share ve leh a, heart emoji a dah tel bawk.
He mellung hi Spotify-a Selena-i’n a vawi khat thlenna a ni tawh lo va, mahse, solo ang chuan a vawi khatna a ni. A main Kygo nena an zai dunna ‘It Ain’t Me’, Marshmello nena an thawh dunna ‘Wolves’ leh DJ Snake, Ozuna leh Cardi B te nena an thawhhona ‘Taki Taki’ chu Spotify-ah vawi tluklehdingawn stream an lo kai tawh bawk a ni.
‘Lose You to Love Me’ hi Selena studio album pathumna ‘Rare’ aTanga a lead single a ni a, Billboard Hot 100 (singles) chart-ah No.1 kaiin, he chart-a Selena hla No.1 kai thei hmasa ber a ni a, a tir aTangin streaming lamah a chak hle a, Selena hla Streaming Songs chart-a No.1 kai thei hmasa ber a ni bawk.
2020 kum tir lama Billboard-in an kawmnaah Selena chuan, “He hla ‘Lose You to Love Me’ ka phuah lai hian ka nun ram a chau hle a. A harsa ka ti takzet a ni. A music video ka siam lai, kum tawp lamah chuan awmze dang daih a nei ta a, ka nun tizalentu a ni ta daih. Ka hlimpui niin ka hria, a chhan chu ka nih ang angin ka awm theih phah a. Ka nun bung thar kai tura a bung hmasa khar nan hei aia Tha zawk hi a awm tawh chuang lo ang,” a ti.