Siaha atanga ramdanga oil hralh khapna tichhuak

Siaha atanga ramdanga
oil hralh khapna tichhuak
Siaha district atanga thenawm ram danga oil hralh thin chu dan phal loh a nih angin hetianga ti te chu hrem an ni dawn tih district thuneitute chuan an sawi.
Tunhnaiah Siaha district chhungah petrol/ diesel dan loa zawrh leh hralh a hluar hle tih hriat a nih avangin, mipui vantlangin harsatna an tawh lohnan an district huamchhungah dan leh thupek mumal taka chhuah leh kenkawh a tul tih Siaha district magistrate chuan mipui a hriattir a. Section 163 of BNSS 2023-in thuneihna a pek angin, sawrkar man bithliah aia sang (black market-in) tumahin diesel/ petrol an leiin an hralh tur a ni lo tih a sawi.
Filling Station atangin mahni mamawh zat aia tam gallon/bur emaw hmangin hralh chhawn atan lak phal a ni lo, tiin, heng tuialhthei hi thenawm ram, entirna’n Myanmar leh ramdangah sumdawnna kaihhnawiha hralh chhawn leh pek khap a ni tih a sawi bawk.
He thupek leh dan bawhchhetute chu Section 223 of BNS 2023 hmanga na taka hrem an ni dawn tih a sawi a. Thupek hian chhuah a nih atanga thla hnih chhung a huam dawn tih a sawi a ni.