Stadium hmingah Rani Rampal puttir

Stadium hmingah Rani Rampal puttir
Rae Bareli, Uttar Pradesh-a Indian Railways-ho enkawl hockey stadium Modern Coach Factory (MCF) an tih chu hming thar an vuah a, India star hockey player Rani Rampal hming chawiin Rani’s Girls Hockey Turf tih hming puttir a ni.
Ti hian, Rani hi hmeichhiate zinga hockey stadium hming nei hmasaber niin, a hminga stadium an puttir hi amah ngei an hawntir nghe nghe.
Twitter lamah Rani Rampal hian a lawmna tarchhuak nghalin, “Hockey game-a engngemaw ka lo thawh ve tawhte chawimawina atana MCF Raebareli hockey stadium hminga Rani’s Girls Hockey Turf an ti phal hi ka lawm takzet a ni.
“Hmeichhe hockey player zinga stadium hming puttir awmchhun ka ni hi ka tan chuan inchhuan larhna tham leh hun hlu bik a ni a, he thil an tih hian hmeichhe hockey player lo chhuak leh zel turte pawh a tihphur ngei ka beisei,” tiin.
FIH Women’s Hockey Pro League 2021-22 lama Belgium a hmachhawn kha ram tana Rani match 250 khelh tlinna chiah niin, Tokyo Olympics hnu khan Rani hi hliamin a tibuai a, World Cup leh Commonwealth Games 2022 squad atangin a inhnukdawk hial a ni.
Kum 28 mi Rani hi kumin kumtir lam khan Indian team-ah kirleh thei chauhin, South Africa tour-a kal member 22 awmna squad-ah telh a ni.