Stanford University-ah Taylor Swift ‘All Too Well (10 Minute Version)’ an zir dawn
Khawvel huap pawha Uniersity hriathlawh Stanford University-ah chuan course thar an nei a, chu chu Taylor Swift hla ‘All To Well (10 Minute Version)’ a ni a, quarter thar atangin a zir theih tawh dawn a ni.
He course hmingah hian ‘All Too Well (10 Week Version)’ an ti a, an thlasik quarter-ah Stanford Introductory Studies hnuaiah class hi neih a ni dawn a, an zirtirtu tur chu Nona Hungate a ni.
Taylor Swift hla te hi University hrang hrangin zirlaiah an telh fo tawh a, nikum February khan NYU hnuaia Clive Davis Institute of Recorded Music chuan Swift pualin class an hawng a, an course enkawltu chu Rolling Stone writer Brittany Spanos a ni nghe nghe. August thla kaltaah pawh khan University of Texas chuan liveral arts course thar hawngin ‘Literary Contests and Contexts – The Taylor Swift Songbook’ tiin an hming an phuah a, hetah hian Swift-i kutchhuak te chu Chaucer, Shakespeare, Wyatt, Coleridge, Keats, Dickinson leh Plath te kutchhuak te nen an zir ho vel a ni.
Stanford University-ah Taylor Swift ‘All Too Well (10 Minute Version)’ an zir dawn
Get real time updates directly on you device, subscribe now.