State University nei turin Lunglei MJA hma lak tum

Lungleiah Mizoram State University dah a nih theihnan ngen an nih angin Lunglei MJA chuan hma an la dawn.
MJA Lunglei District hi an president H Lalthansanga kaihhruaiin Nilaini khan an thukhawm a. State University din tur chu Lungleia dah a nih theihnan pa chan changa theihtawp chhuaha hma la tur leh a hnarkaitu ni tura Chhimbial Chhantu-in a ngenna an ngaihtuah.
Lunglei MJA president chuan Chhimbial Chhantu thu thlen a sawi chhawng a. An sawihonaah Lunglei leh Mizoram chhimlam tan State University hi an mamawh leh nakin hun, an tu leh fate tan pawh thil tangkai tak a ni a, sawrkar laka pangchang taka ngen chu an chanvo a ni a, theihtawp chhuaha tangruala ngen nise, tiin thu an titlu.
‘MJA hian sawrkar laka thil ngen leh ngiat, pressure siam vak hi a role a ni lo chungin, motto-ah ‘Service to the People’ tih nei a nih avangin tun tumah pawh Lunglei leh chhimbial tan thil pawimawh tak a nih avangin hma lak a ngai ta a ni,’ a ti.