Sudirman Cup khel tur India badminton team

Sudirman Cup khel tur India badminton team
World No. 9 HS Prannoy leh two-time Olympic medallist PV Sindhu hoin India chuan khawvel huapa ram leh ram badminton-a inelna lian 2023 Sudirman Cup an khel dawn a, he tournament hi thla thar May 14-21 chhungin Suzhou, China-ah nghah a ni.
Tunkar Thawhlehni khan New Delhi khuaah senior national selection committee thukhawmin, he hunah hian mixed team championship-a medal hmasaber hlawhchhuak turin squad inbuktawk tak an thlangchhuak.
Nikum khan Indian men team chuan history thar siamin Thomas Cup an la a, kumin kumtir lam khan Asian Mixed Team Championship-ah bronze dawng lehin, China rama tournament an khelh tur atan pawh beiseina sang tak an nei.
Badminton Association of India secretary Sanjay Mishra chuan Sudirman Cup chu tournament hlu tak a nih avangin selector rualte pawhin domestic leh international result atangin squad tha ber an thlangchhuak tih a sawi a, kumin hian medal chuh pha ngei turin an team thlanchhuah chu a ring tawk tih a tarlang tel.
India hi Group C lamah Malaysia, Chinese Taipei leh Australia nen awm hoin, group khirhkhan tak pela knock-out stage luh chu an hna hmasa a ni ang.
Hliam avanga Asian mixed team inelna hmachhawn thei lo Satwiksairaj Rankireddy kha squad-ah hian kir tawhin, men’s doubles squad tiphuisuitu leh tiphurtu a ni a; hetih lai hian tawnhriat ngah tawh Ashwini Ponnappa leh a kawppui thar Tanisha Castro-te chuan All England semi-finalists Gayatri Gopichand leh Treesa Jolly-te kaihza an veng dawn a ni.
Kidambi Srikanth leh reigning senior national women’s singles champion Anupama Upadhyaya-te pawh squad-a singles player kan hmuh zingah telin, he team hi chhe zawk zawk an ni dawn lo!

-- Advertisement --

Indian team:

Men’s singles: HS Prannoy, Kidambi Srikanth (Reserve: Lakshya Sen)

Women’s singles: PV Sindhu, Anupama Upadhyaya (Reserve: Aakarshi Kashyap)

Men’s doubles: Satwiksairaj Rankireddy/Chirag Shetty, MR Arjun/Dhruv Kapila

Women’s doubles: Gayatri Gopichand/Treesa Jolly, Ashwini Ponnappa/Tanisha Crasto

Mixed doubles: Tanisha Crasto/Sai Pratheek.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More