Thalaite tlawh nasat khua hianinrelbawlna fel tak in nei a ni

• Lalthansanga

Thalaite tlawh nasat khua hian
inrelbawlna fel tak in nei a ni

• Lalthansanga
  Ailawng tlangdung chu thalaite tlawh nasat khua an nih laiin, an inpekna fak tlak tak chuan khawtlang inrelbawlna mumal leh fel tak an nei nia a lan thu minister Lalthansanga chuan a sawi.
  YMA Ailawng Branch-in an din champha vawi 79-na Inrinnia an hman a hmanpuinaah minister chuan, Ailawng tlangdung chu thalaiten an tlawh nasa hle a, a khaw mipui inpekna leh tlawmngaihna fak tlak nia a hriat thu a sawi. Khawtlang inrelbawlna mumal leh felfai tak an nei nia a lan thu sawiin, mikhual chhawn leh lo lawm danah Mizo nun zemawi lantir zel turin a chah.
  “Khawvel a thang zel a, kan nundan a danglam zel a, chutih lai chuan kan pi leh pute nun dan mawi leh zirtirna kan chhawmnun zel a pawimawh a, kan chhehvel amite nen inlungrual taka chen ho pawh kan zir zel a ngai,” a ti.
  Sawrkarin ram a enkawl danah kalphung mumal tak a neih rualin, kan ramah NGO hrang hrangin hmun pawimawh tak an luah tih Lalthansanga hian a sawi a. Sawrkarin amah ngawtin ram a enkawl thei loa, NGO hrang hrangte nen thawhhona tha neih a pawimawh tih a sawi. “Kan ram hruaitu hmasaten YMA pawimawhna hria in khawtlang enkawl chauh ni loin, ram inrelbawlnaah hmun pawimawh tak an lo pe tawh thin. YMA hi Kristianna nen a inzawm tlat a, kan pi leh pute atanga kan inzirtir nun dan mawi vawnnun leh zirtir bakah kan Kristianna nun dan tha chawikan thlengin mawhphurhna leh chanvo pawimawh tak a chelh a ni,” a ti.
  Din champha hi July 18 zan atanga hmang tanin, Hranghluite Nite bakah YMA Section hrang hrang intihsiak a ni a; Inrinni zing karah thing tiak leh pangpar phunin branch hnatlang neih a ni.