‘The Fate of Ophelia’ a lar ber

Tunlai chu Taylor Swift album thar tlangzar hlim a la ni bawk a, a chanchin thar sawi kan bâng thei rih lo a ni ber, tunah pawh kar khat chhunga khawvel huapa hla lar dan tehna, Billboard Global 200 chart top 10-ah hla pakua a rawn nei leh ta a, a album thar ‘The Life of a Showgirl’ lead singles ‘The Fate of Ophelia’ chu No.1 a ni bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
‘The Fate of Ophelia’ hian kar khat chhungin stream maktaduai 216.9 a nei thei a, a hla hi a mala a hralh chhuah loh avangin download sales engmah a nei lo chung pawhin streaming hi a No.1 pui ta tho a ni.
‘The Fate of Ophelia’ hi he chart-a Taylor Swift hla No.1 ni thei parukna niin, Swift hian Ariana Grande lehpelin he chart-a hmeichhe zaithiam zinga No.1 kai thei hla ngah ber a ni a, he chart top 10-a lang thei hla 42 nei a nei tling tawh a, a hmaa he record siamtu Drake (37) a rawn lehpel ta a ni.
Tunkar Billboard Global 200 chart top 10-a Taylor Swift hla ni lo lang thei awm chhun chu chart No.1 hlui KPop Demon Hunters soundtrack HUNTRIX ‘Golden’ niin, kar 12 a No.1 hnuah No.1 atangin No.5-ah a tawlh ta a ni.
Billboard Global 200
Top 10:
No. 1, “The Fate of Ophelia” – Taylor Swift
No. 2, “Opalite” – Taylor Swift
No. 3, “Elizabeth Taylor” – Taylor Swift
No. 4, “Father Figure” – Taylor Swift
No. 5, “Golden” – HUNTRIX
No. 6, “Wood” – Taylor Swift
No. 7, “Wi$h Li$t” – Taylor Swift
No. 8, “The Life of a Showgirl,” feat. Sabrina Carpenter – Taylor Swift
No. 9, “Cancelled!” – Taylor Swift
No. 10, “Actually Romantic” – Taylor Swift