Tihlawm harsa chi i ni em?
Mi khirh, tihlawm harsa chi i ni em? Mi nelawm tak, i tawn fuh apiang duh mai thei nge i nih a, mi tih har, biak har leh kawm har i ni zawk? I standard te kha midang aiin a sang bik viau em ni? He quiz hi han chhang teh le.
1. I ngaihzawng turah eng ang mi nge i duh?
A. Hmeltha, hawi zau, romantic, caring, mi tihlim thei, zaidam. A dang ka la sawibelh zel dawn em…
B. Hmeltha, sense of humour nei tha bakah sum leh pai lama buai lo ni thei se.
C. Chutianga duhzawng bik ka nei a. Min duhtu a pawimawh.
-- Advertisement --
2. I ngaihzawng neih mek emaw neih tawh te tan i tha mah mah niin i thian ten an hrilh tawh che em?
A. Chutiang chu min hrilh deuh reng. Mahse, an ngaihdan a ni ve mai.
B. |um khat chu hetiang hian min ti tawh a, an tidik khawp mai.
C. Teuh lo mai! Chutiang chu keiman ka hrilh zawk thin.
3. Kar hnih thum vel chauh inla inngaizawng a. I piancham a ni nghal mai si a, a hnen atangin eng nge i beisei ang?
A. Thil tha deuh, man to ve deuh dawn ngei ka inbeisei.
B. Restaurant changkang deuhah zanriah tuihnai deuh te chu min ei pui ve ang chu.
C. SMS thlum ve deuh te chu min lo thawn ve mah na. Engmah min tihsak lo mah se a pawi lo, a buai ve thei ropui si.
4. I mipa/hmeichhe duhthusam chu…
A. Ka duhthusam ang chu an awm thei pawhin ka ring lo.
B. Ka duhthusam a inthlak fo.
C. Chutianga duhthusam pawh ka nei chuan lo.
5. I inthen a, i rilru a tina hle a. Engtin nge i sawi zui ang?
A. Ka tan a tling tawk lo. Ka tana tha tawk hi an awm tak tak lo.
B. Midang ang tho a lo ni.
C. Ani kha a tha viau asin maw le.
6. A rawn melh no deuh che a. Engtin nge i lo ngaih ang?
A. Min ngaihven that dan a zir a ni mai.
B. Hmel a pawimawh!
C. Min lo ngaihven ve chu a lawmawm.
7. Thla hnih thum vel in inzui ve tawh a. Ani chu a dan ngai tein a tlai lehpek a. Tihian i ngaihtuah a
A. Ka then daih dawn.
B. Nghaktua tan reng hi ka peih lo tih ka hrilh hnuah pawh a la ngai reng a nih chuan inthen a ni mai.
C. A pawi lo e, a buai a niang.
I chhanna te chu ‘A’ deuh vek a nih chuan i ‘choosy’ mah mah. Engkimah nangmah i indah hmasa a, nupui/pasal neih i harsat ngei ang. Midang hriathiamna neih loh lutuk hi a pawi viau a nia. Midang lak atanga thil tam tak beisei a, nangin engmah i pek ve si loh chuan a fair lo hle a ni.
I chhanna chu ‘B’ deuh vek a nih chuan, nang chu i tihdan a in-balance tawk khawp mai. Midang thu thu a awm bik loin, a chhan mumal tak awm lo a kawppui te then ngawt chi i ni chuang lo. Midang rilru putdan tur te pawh i thlir pha tlat.
I chhanna chu ‘C’ deuh vek a nih chuan i standard a hniam mah mah. Mahni i indah hniam lutuk a, mi ngaihpawimawh i hlawh lo an