Tlawng a nu, tui pump chak lo
PHE department hotute chuan tui sem tur an neih tam theih rih dawn loh thu an sawi.
Thudawn danin, July 19 (Inrinni) zan atang khan Aizawl tui lakna Phase I leh Phase II chu a chawmtu lui tui a nut nasat avangin pump off vek a ni a, tui nut lam hi NTU (Nephelometric Turbidity Units) 982 a ni. July 20 (Pathianni) nilengin tui pump theih a ni loa, July 21 (Tawhtanni) zing dar 8.00 atangin single pump-in tui pump tan leh a ni a. Hetiang hi an dinhmun a nih avangin Aizawlah tui sem a khaihlak leh a, mipuiin lo hrethiam turin PHED chuan a ngen a ni.
PHE engineer-te sawi danin, tui fim tak hi NTU 1 vel a ni a, an thlitfimnaa lut turin NTU 10 aia sang lo a nih a ngai. NTU 5 vel hi mipuia semchhuah tlaka ngaih a ni. Tui a nut nasat hian in tlak tura treatment-ah a hneh zo lo thin a ni.