Trump-a’n Middle East-ah sipai dah tum lo

Iran indonain chawlhkar lina a kai hnaih mek laiin US President Donald Trump-a Middle East-ah sipai tirh lam a ngaihtuah loh thu a sawi.
Trump-a chuan, “Khawiah mah sipai ka dah lo,” tiin chanchinbumi pakhatin Middle East-ah service member tirh belh a tum leh tum loh a zawhna a chhang a. “Kei ni ila ka hrilh lo ang che; mahse, sipai ka dah lo. A tul ang apiang kan ti ang,” a ti.
Trump-a hian White House-a Oval Office-a Japan Prime Minister Sanae Takaichi-i nena an inkawmnaah he thu hi a sawi a ni.
Reuters chuan Nilaini khan thuneitu leh thil hre chiang mi pathumte atanga a dawnah Trump-a sorkar hian ⁠Iran-a beihpui an thlak mek tihchak nan US sipai sang tam tak dah belh a ngaihtuah niin an tar lang.
February 28-a indona a chhuah tan hnua Iran-in a chhan let nana Middle East-a US sipai hmunpui hrang hrang a beih hnuah US sipai 13 an thi tawh a ni.