Taylor Swift album thar ‘The Tortured Poets Deaprtment’ chuan record a siam deuh mawlh mawlh mai a, a tlangzarh hma hauh a\angin Spotify-ah record siamin a countdown page-a ‘pre-saves’ nasat ber a ni. He countdown hi March ni 28 a tih \an a ni a, chu chu album an tlangzarh hma kar hnih a ni a, Swifties-te chu countdown lo thlithlai reng tura sawmna a ni ber mai.
April ni 19-ah album chu an tlangzarh ta a, darkar 24 chhungin US-ah maktaduai 1.4 an hralh nghal der mai, kar khat chhungin a vinyl album pawh 7,00,000 chuang an ralh hman a, hei hi modern era an tih mai, 1991 a\anga Luminate-in sales data mumal taka an chhinchhuah hnua kar khat chhunga vinyl hralh tam ber a la ni a, a hmaa hetiang record pawh Taylor Swift album ‘1989 (Taylor;s Version)’-in 2023-a a siam tho niin, he album hi kar khat chhungin 6,93,000 an hralh ve thung.
He album hi an tlangzarh a\anga darkar 24 chhungin Spotify-ah vawi maktaduai 300 chuang stream hman a ni a, ni khat thil thua Spotify-a album stream nasat ber record a siam. He album opening track ‘Fortnight’ featuring Post Malone pawhin Spotify-a ni khat thil thu a hla stream nasat ber record a siam bawk.
Apple Music lamah pawh record a siam tho, he streaming service a pop album ni khat thil thu a stream nasat ber a ni.
A album an tlangzarh a\anga ni nga chhungin TTPD hi Spotify-ah vawi tluklehdingawn an stream hman der tawh a, kar khat chhunga Spotify-a album stream nasat ber a nih bakah he streaming platform-a kar khat chhunga album vawi tluklehdingawn stream kai thei hmasa ber a ni bawk.
Album an tlangzarh a\anga ni ruk chhungin TTPD hi streaming platform hrang hrangah vawi maktaduai 799 stream hman a ni a, kar khat chhunga album stream nasat ber a ni. A hmaa hetiang record siamtu chu 2018-a Drake album Scorpion kha niin, kar khat chhungin vawi maktaduai 745.92 stream hman a ni ve thung.
Hetiang khawpa a album thar a hlawhtlin avang hian Swift pawhin lawmthu sawina social media platform hrang hrangah a post a. X (Twitter an tih \hin kha), Instagram leh Facebook-ah te lawmthu sawina tichhuakin, Swift chuan, “Rin phak bak a ni. He album in duhna in lo tihlan danah hian ka lawm tak zet a ni. Maktaduai 2.6 IN TI TAK TAK EM?? In lo ngaihthlak leh stream bakah in nuna Tortured Poers in lo seng luh vangin ka lawm e. Ka hlim takzet a ni,” a ti.
TTPD-in record a siam te
Get real time updates directly on you device, subscribe now.