Ngur Village Council buatsaih Volleyball tournament chu April ni 12, Ningani zan khan ropui takin khar a ni a. Final hmuhnawm takah Tualcheng chuan a thlengtu Ngur VC Team hnehin an champion.
Final hmuhnawm takah hian a thlengtu Tualcheng in set la hmasa mah se set hnih an hloh zawn leh zet a. 2-1-a an hnufual hnuin set linaah nuamsa takin set an la zui leh a, deciding set khelh a ngai.
Deciding set boruak sang takah a thlengtu Ngurin bul an tan tha a, hmahruai zawkah an tang ngar ngar. Final-ah vanduai zawk tura ngaih an nih hman laiin Zohmangaiha’n point hlawhchhuak zawnin beiseina thar a siam a, chak takin an khingpuite an um. Ngur hi vawikhat tih dikna champion mai tur an nih laiin huaisen taka inlan Tualchengin hun pawimawh takah an pawtthla a, point 25-19, 21-25, 19-25, 25-16 leh 16-14 a hnehna changin an champion zui ta a ni.
Tualcheng an champion theih nana thawhhlawk tak Lalramngheta chu ‘Best Player’-ah thlan a ni a. Final-a chakpuitu Zohmangaiha’n ‘Best Spiker’ lawmman a dawng a. Ngur setter Laltlanmawia chu Best Setter-ah thlan a ni.
Champhai North MLA bialtu Dr. ZR Thiamsanga bul tuma buatsaih inelnaah hian team 19 ten inelna an hmachhawn a. Champion team Tualcheng hian tangkafai cheng 10000/- leh trophy an dawng a. Pahnihna Ngur VC team leh Pathumna Pamchung ten lawmman tha tak an dawng bawk.
Tualcheng an champion
Get real time updates directly on you device, subscribe now.
Prev Post
Next Post