Type rang record siam

Andhra Pradesha cheng Mejari Mallikarjuna chuan number pakhat atanga 50 thleng type rang ber record a siam a, record 13.16 chhungin a chhu chhuak vek hman a, a number chhut zawng zawng inkarah full stop a dah vek bawk a, hei hi Guinness World Record thar a ni. Mallikarjuna hian a record hi June ni 11-a a siam kha niin, GWR hian kar kalta khan a record an pawm thu an rawn hriattir ta a ni. Guinness World Record hian Mallikarjuna number type lai video clip hi Nilaini kalta khan Twitter-ah an dah chhuak nghe nghe a ni.
Indian zingah ani chauh hi typing lama record siam a ni lo, Telangana a cheng SK Ashraf pawhin October 2017 khan ‘alphabet type rang ber’ record a lo siam tawh a, second 3.37 chhungin alphabet a type chhuak vek hman a ni.