State Animal Welfare Board-in The Mizoram Animal Slaughter (Amendment) Act 2020 tlawhchhana ui talh leh zawrh tih rem tuma hma an lak a tumnaah uisa zuar lam chuan hriattirna an la dawn loh avangin hma lak tum dan an la nei hran lo niin an sawi.
The Aizawl Post-in Uisa Zuar Association hruaitute a biakpawhnaah, uisa an zawrh theihna’n sum tam tak sengin hma an lo la tawh a. Sawrkar hriatpuina thlapa in-register an nih avangin an eizawnna chu sawrkarin a khap sak mai an ring lo tih an sawi a ni.
Aizawl bikah hian uisa zuar, an association-a tel mi 30 chuang an ni a, a tlangpuiin an ui talh thin hi Tripura – Kanhmun leh Vairengte atanga an lak a ni tih an sawi. An ui talh chu mimalin uluk taka an enkawl thin a nih avangin an sa pawh a thianghlim tha thin hle tih an sawi.
Mizote hi kan pi leh pute atanga uisa duh hnam kan nih avangin kan nuna bet tel tlat a ni, tih chu an ngaihdan a ni a. Nikhata an hralh chhuah pawh hi a tam viau zel niin uisa zuarte hian an sawi bawk.
Uisa zuarten hma lak tum lo
Get real time updates directly on you device, subscribe now.
Prev Post